"Жағдайы күннен-күнге нашарлап, балаға қан компоненттерін құю керек болды. Бірақ әке-шешесі өздерінің дін мәселесі бойынша түбегейлі қарсы болды. Олар "Свидетели Йегова" жетегінде жүрген кісілерміз, біздің дін бойынша қан компоненттерін құю өмірді құюмен тең" деді. Ақмола облысы балалар ауруханасы жансақтау бөлімінің меңгерушісі Маржан Махашева
Щучье қаласынан санавиацииямен жеткізілген кішкентай науқастың онсыз да халі ауыр болған. Екі өкпесі қабынып, арнайы аппараттан тыныстап комада жатқан. Дәрігерлер жанталасып сәбидің өмірін сақтап қалуға кіріскен сәтте, қан компоненттерін құю қажет болыпты. Осы кезде ата-анасы балаға қан құюға рұқсат бермегенімен қоймай, альтернатив ем шараларды ұсынған.
Өмір мен өлімнің арасында жатқан пациентіне қалай көмектесерін білмеген дәрігерлер өкілетті мекеме қызметкерлерінен комиссия құрып, баланың әке-шешесіне түсіндіру жұмысын жүргізіп, рұқсатаған, бірақ екеуі рұқсат бермеген.
"Бір жас сегіз айлық сәби облыстық балалар ауруханасының жансақтау бөлімшесінде қайтыс болды. Қазір аталған факті бойынша қажетті сараптамалар тағайындалып, тексеру жұмыстары басталды". Ақмола облысы полиция департаментінің баспаөз қызметінің ресми өкілі Әсем Әбдірахманова
