Алматы қаласы әкімі аппаратының басшысы Бейбіт Шахановтың айтуынша, кейбір қызметкерлер көшіп үлгерген.
"Басқармалар мен қызметкерлердің негізгі бөлігі алдағы аптада көшеді, Алматы әкімі Ерболат Досаев, болжам бойынша, келесі аптада көшеді", – деді ол.
Азаматтарды қабылдау жақын арада, барлық басқармалар мен әкім аппараты жөнделген ғимаратқа көшкен кезде басталады.
2022 жылғы желтоқсанда Алматы әкімі Ерболат Досаев Қаңтар оқиғасы кезінде өрт салдарынан қираған қалалық әкімдік ғимаратын жөндеу және қалпына келтіру үшін 13 миллиард теңге қажет екенін айтқан еді. Бұл ретте әкім Алмалы әкімдігінің ғимаратында жұмыс істегенін айтты.
