Антикоррупциялық қызмет Мемлекет басшысының заңсыз шығарылған активтерді іздеу және қайтару жөніндегі тапсырмасын орындау шеңберінде Әділет экс-министрін лауазымдық өкілеттіктерін асыра пайдаланды деген күдік бойынша ұстады.
Ол талап етілмейтін қызметтерді көрсетуге жыл сайынғы келісімшарттар жасау арқылы үлестес компанияның мүдделерін қолдады. Бұл әрекет мемлекетке үлкен зиян келтірген.
Активтерді қайтару бойынша жұмыс жалғасып жатыр.
Антикор тергеу мүддесін алға тартып, ұсталған адамның аты-жөнін және келтірілген шығын көлемін атамады. Бірақ қамауға алынғаннан кейін бірден бірқатар БАҚ пен Telegram арналарында ұсталған экс-министр туралы ақпарат пайда болды. Әңгіме Әділет министрлігін 2016-2022 жылдар аралығында басқарып, қаңтардағы тәртіпсіздіктерден кейін қызметінен босатылған Марат Бекетаев туралы болып отыр дейді дереккөздер.
Антикор ұсталған Марат Бекетаев деген ақпаратты растаған да, жоққа да шығарған жоқ. Дегенмен, экс-министрдің аты-жөнінің бір уақытта бірқатар Telegram арналары мен ақпарат құралдарында инсайдерлік ақпаратқа қол жеткізетінін мәлімдегені бұл нұсқаны әбден орынды ете түседі.
Zakon.kz редакциясы ұсталған азаматтың кім екені туралы нақты ақпаратты анықтап жатыр.