Ерасыл Мұхтарұлы (57 келі) 1/8 айналымда Үндістан спортшысынан жеңілді. Қарсыласы финалға шыққандықтан Ерасыл грузиялық Лука Гвинджилиямен күш сынасады.
Егор Анчугин (70 келі) іріктеуде канадалық спортшыны, сосын Даниил Амелянчикті ұтқан. Алайда ширек финалда Иналбек Шериевке есе жіберді. Оның жұбаныш белдесуіндегі қарсыласы ертең анықталады.
Шамсат Таирдың (79 келі) алғашқы айқасы өте қиын болды. Украина спортшысымен тең түсіп (5-5), соңғы ұпай алғандықтан келесі кезеңге шықты. Сосын Масаки Сатодан (Жапония) айласын асырғанымен, жартылай финалда әзербайжандық Ашраф Ашировтың мықтылығын мойындады. Шамсатпен қола медаль үшін күресетін балуан ертең белгілі болады.