Жол апаты Қызылжар ауданы Новокаменка елді мекенінің маңында кеше, 4 қарашада шамамен сағат 14.00-де болған.
Солтүстік Қазақстан облыстық полиция департаменті баспасөз қызметінің мәліметінше, Жезқазған –Петропавл республикалық маңызы бар автожолда Toyota Camry және Daewoo Nexia көліктері соқтығысқан.
Салдарынан көлікте болған жеті адам зардап шекті. Оқиға орнына барған жедел жәрдем қызметі бригадалары оларға алғашқы медициналық көмек көрсетіп, кейін үйлеріне жіберді.
Көлік жүргізушілері медициналық куәлендіруден өткізілді, екеуі де ішімдік ішпеген, олардың көлігі арнайы автотұраққа қойылды.