"Алматы облысы Іле ауданының Жетіген ауылы облыстық маңызы бар қала санатына жатқызылсын. Алматы облысында құрылған жаңа қалаға "Алатау" атауы берілсін", – делінген хабарламада.
Үкіметке қажетті шаралар қабылдау тапсырылды.
Жарлық жобасы 29 қарашаға дейін қоғам болып талқылау үшін Ашық НҚА сайтында жарияланды.
Елді мекен Алматы қаласының орталығынан солтүстікке қарай шамамен 47 шақырым жерде орналасқан. Қазір ауылда 20 мыңға жуық адам тұрады.