Мамандар Алматы мен Шымкент қалаларының тұрғындары мен қонақтарына қолайсыз метеорологиялық жағдайлар туындайтынын, 2 желтоқсан, сенбі күні қос мегаполисте ауаны ластайтын заттардың мөлшері көбірек болатынын ескертеді.
Қолайсыз метеожағдайлар (ҚМЖ) - атмосфералық ауаның беткі қабатында зиянды (ластаушы) заттардың жиналуына ықпал ететін қысқа мерзімді метеорологиялық факторлардың (тымырық, желдің болмауы, тұман, инверсия) жиынтығы. ҚМЖ пайда болған кезде елдімекендердегі атмосфералық ауа сапасы нашарлауы мүмкін.
Ластану деңгейінің қалыптасуын анықтайтын маңызды факторлардың бірі - синоптикалық жағдайдың болжамы (жел, жауын-шашын, ылғалдылық, ауа температурасы).
Қолайсыз ауа райы жағдайында тағы мынандай шектеулер ұсынылады:
- ашық ауада, әсіресе тас жол бойында немесе басқа ластану көздерінің жанында болу уақытын қысқартыңыз;
- балалар мен жүкті әйелдер ұзақ серуендеуден бас тартуы керек;
- өкпенің созылмалы ауруларымен, жүрек-қан тамырлары, аллергиялық аурулармен ауыратын адамдар ашық ауада болған кезде өздерімен бірге дәрі-дәрмектерді алып жүруі керек;
- ашық ауада физикалық белсенділікті шектеңіз. Дене шынықтыру және спортпен шұғылдану жабық спорт кешендерінде жүргізіледі.
