Синоптиктердің мәліметінше, сенбі күні Астана, Ақтөбе, Атырау, Өскемен, Семей, Риддер, Петропавл, Көкшетау және Павлодар қалаларында қолайсыз метеорологиялық жағдайлар күтіледі.
Қолайсыз метеожағдайлар (ҚМЖ) - атмосфералық ауаның беткі қабатында зиянды (ластаушы) заттардың жиналуына ықпал ететін қысқа мерзімді метеорологиялық факторлардың (тынымық, желдің болмауы, тұман, инверсия) жиынтығы. ҚМЖ пайда болған кезде елдімекендердегі атмосфералық ауа сапасының нашарлауы мүмкін.
Ластану деңгейінің қалыптасуын анықтайтын маңызды факторлардың бірі - синоптикалық жағдайдың болжамы (жел, жауын-шашын, ылғалдылық, ауа температурасы).
Қолайсыз ауа райы жағдайында ұсынылады:
- ашық ауада, әсіресе тас жолдардың немесе басқа ластану көздерінің бойында жүрмеңіз;
- балалар мен жүкті әйелдер ұзақ серуендеуден бас тартуы керек;
- өкпенің созылмалы ауруларымен, жүрек-қан тамырлары, аллергиялық аурулармен ауыратын адамдар ашық ауада болған кезде дәрі-дәрмектерін өздерімен бірге алып жүруі керек;
- ашық ауада физикалық белсенділікті шектеңіз. Дене шынықтыру және спортпен шұғылдану жабық спорт кешендерінде жүргізілуі тиіс.
Синоптиктер алдағы аптаның соңына қарай Алматыда аяздың беті қайтатынын болжайды.
