Бюро ақпаратында 2023 жылғы 1 желтоқсандағы жағдай бойынша Қазақстан халқының саны 20 014 575 адам болғаны айтылған. Оның ішінде:
қала халқы – 12 431 220 адам,
ауыл тұрғындары – 7 583 355 адам.
"2023 жылдың басынан бері халық саны 247 768 адамға өсті. Оның ішінде табиғи өсім есебінен 239 422 адамға, көші-қон есебінен 8 346 адамға өсті", - делінген Ұлттық статистика бюросының Telegram-каналында жарияланған хабарламада.
Статистиктер халық санының ең жоғары өсу қарқыны мына аймақтарда тіркелгенін атап өтті:
Астана – 5,11%,
Алматы – 2,82%,
Маңғыстау облысы – 2,4%.
2023 жылдың 16 қарашасында Қасым-Жомарт Тоқаев 20 миллионыншы қазақстандық дүниеге келгенін хабарлады. Кейін Ұлттық статистика бюросы Қазақстанның 20 миллионыншы тұрғынын қалай анықтағанын түсіндірді.
