Есірткі қылмысына қарсы іс-қимыл жөніндегі жедел уәкілдер Астана қаласынан шаңсорғышы бар қорап түріндегі сәлемдеме келе жатқанын анықтады, алайда оның ішінде есірткі болды.
Пакетті алған кезде олар 24 жастағы ер адамды ұстады, ол шаңсорғышта гашиш бар екенін айтты. Тергеу барысында электрондық ақпараттық ресурстарды пайдалана отырып, аса ірі мөлшерде психотроптық заттарды сату мақсатында заңсыз сақтау фактісі бойынша сотқа дейінгі тергеу жүргізілді.
"Тергеу барысында жедел уәкілдер күдіктінің тұрғылықты жері бойынша тінту шараларын жүргізді, ол жерден де есірткі құралдары тәркіленді. Тергеу нәтижесінде 2022 жылдың қазан айының ортасында Telegram қосымшасы арқылы өзінің парақшасымен интернет-дүкенге курьер болып жұмысқа орналасқандығы анықталды. Ол қала аумағында есірткіні өлшеп-орауды және салуды жүзеге асырды". Екібастұз қаласы ПБ бастығының орынбасары Валентин Бірімжанов
Тәртіп сақшысы тәркіленген есірткі заты – гашиш және марихуана болғанын нақтылады, оның жалпы салмағы 2 келі 250 грамм болды, бұл өте үлкен мөлшерге жатады және қылмыстық кодекске сәйкес мүлкі тәркіленіп, он жылдан он бес жылға дейінгі мерзімге бас бостандығынан айыруға жазаланады.