Қылмыстық істі Алматының арнайы прокурорлары тергеді.
Прокурорлар 2022 жылғы 9 қаңтарда Алмалы аудандық полиция басқармасында жеткізілген 3 азаматқа қатысты кінәлі полицейлер азаптау қолданғанын дәлелдеді.
Заңсыз әрекеттерінің салдарынан үш жәбірленушіге тән азаптары келтірілген.
"Соттың үкімімен үш сотталушы арнаулы атақтары мен мемлекеттік қызметте жұмыс істеу құқығынан айырылып, оларға 3 жыл мерзімге бас бостандығынан айыру түріндегі жаза тағайындалып, аталған адамдар сот залында қамауға алынды", - деп хабарлады Алматы прокуратурасы.
Үкім заңды күшіне енген жоқ.