Жағдайға ҚР Білім министрлігі анықтама берді.
"Бірінші сыныпқа құжаттарды қабылдауға қатысты қазіргі уақытта egov.kz. электрондық үкімет порталында қызметті қалпына келтіру бойынша барлық қажетті іс-шаралар жүргізіліп жатқанын хабарлаймыз. Ол жақын арада қол жетімді болады". ҚР Білім министрлігінің ресми өкілі Мереке Амангелдіқызы
Кейінірек ол бұл қызмет порталда қол жетімді екенін атап өтті.
Еске салайық, биылдан бастап бірінші сыныпқа құжаттарды қабылдау 31 тамызға дейін жалғасады.
Портал арқылы қабылдау үшін келесі құжаттар қажет:
- ата-ананың немесе басқа заңды өкілдің өтініші;
- №065/у нысанындағы медициналық анықтамалар – "профилактикалық егу картасы";
- № 052-2/у нысандары - "бала денсаулығының паспорты";
- баланың сандық фотосуреті 3х4 см.
Сонымен қатар, ата-аналардың тұрғылықты жері бойынша білім беру ұйымына өтініш беру мүмкіндігі бар.