Ақпаратқа сәйкес, күдікті деп танылған төрт қазақстандықты ҰҚК ІІМ-мен өзара әрекеттесе, прокуратура органдарының үйлестіруімен Алматы қаласында, Алматы және Жамбыл облыстарында ұстаған.
"Олар республика аумағында тыйым салынған діни-экстремистік ұйымның әрекетіне қатысты және ұйымдастырды деп күдіктеледі."Қазақстан Республикасы Ұлттық қауіпсіздік комитеті
Тұрғылықты жерлері бойынша тінтулер барысында көптеген діни әдебиеттер мен басқа да заттай дәлелдемелер табылған.
Сурет: ҰҚК баспасөз қызметі
Қылмыстық кодекстің 405-бабы бойынша сотқа дейінгі тергеу жүргізілуде.
"Атап өтетін жайт, ұсталған адамдардың екеуі бұған дейін осындай қылмыс жасағаны үшін сотты болған.",- делінген Қазақстан Республикасы Ұлттық қауіпсіздік комитеті хабарламасында
Сотпен ұсталғандарға қатысты бұлтартпау шарасын қолдану сұрағы шешілуде.
Қылмыстық-процестік кодекстің 201-бабы 1-бөлігіне сәйкес өзге ақпарат жария етуге жатпайды.
