Осы атаумен өткізіліп жатқан іс-шара бойынша Д.Қонаев музейінің ауласында тазалық жұмыстары ұйымдастырылды.
Сурет: Шымкент әкімдігінің баспасөз қызметі
Іс-шараға қаланың белсенді жастары, студенттер және Тұран ауданының тұрғындары атсалысып, 80-ге жуық астам адам қатысты. Қала жастары музей аумағын қоқыстан тазартып, шөптерін орумен, мұражай ішінде шаң-тозаңды сүртіп, тазалық жұмыстарын жүргізумен айналысты.
Сурет: Шымкент әкімдігінің баспасөз қызметі
Жастар тек қана тазалық жұмыстарын жүргізіп қойған жоқ, сонымен бірге Д.Қонаевтың өмірі мен қызметі жайлы пайдалы ақпараттар да алды.
Сурет: Шымкент әкімдігінің баспасөз қызметі
Іс-шараға белгілі қоғам қайраткерлері Шәріпбек Жамалбек, Пернеев Ерназар және басқа да азаматтар қатысып, өз үлестерін қосты. Жастарға ақыл-өсиетін айтып, бағыт-бағдар берді.
Сурет: Шымкент әкімдігінің баспасөз қызметі
Ал "Жастар рухы" жастар қанатының төрағасы Бекзат Төлебай іс-шара мен оның маңыздылығына тоқталып, жастарға берер тәлім-тәрбиесін ерекше атап өтті.