Алматы бойынша МКД-ға салық төлеушілер салықтарды, алымдарды, өсімпұлдар мен айыппұлдарды төлеу туралы жалған талаптарды таратуға шағымданғаны белгілі болды. Бұл талаптар салық төлеушілердің электрондық мекенжайларына жіберілген.
"Салықтық хабарламалар салық төлеушілерге жеке өзі қол қойғызып тапсырылады не салық төлеушінің кабинетіне электронды түрде жіберіледі. Мұндай хабарламаларды электрондық пошта арқылы жіберу қарастырылмаған. Тиісінше, Департаменттің салық төлеушілердің электрондық мекенжайларына жіберудің мұндай түріне қатысы жоқ", - деп мәлімдеді Алматы қаласы бойынша МКД.
Осыған байланысты ведомствода азаматтарға салық төлеушінің жеке кабинетінде салық міндеттемелерінің болуы туралы ақпаратты қарау ұсынылады – https://cabinet.kgd.gov.kz және мұндай жалған ақпараттық бюллетеньдерге сенбеу сұралады.