Қонақтарды Қазақстан СІМ басшысы Мұрат Нұртілеу қарсы алып, министрлер кездесу рәсіміне қатысу үшін Дөңгелек залға өтті. Осы залда 1991 жылы Алматы декларациясына қол қойылған болатын, ол ТМД елдерінің тәуелсіз дамуының негіздерін белгілеп, мемлекетаралық шекараларды айқындау қағидаттарын бекітті.
Мұрат Нұртілеу Әзербайжан мен Армения біз үшін жақын бауырлас елдер ғана емес, сонымен қатар стратегиялық серіктес екенін мәлімдеп, тараптарға жемісті жұмыс пен сенімді диалог тіледі.
Әзербайжан мен Арменияның сыртқы саяси ведомстволарының басшылары өз сөзінде Қазақстан тарапына келіссөздер алаңын ұсынғаны және іс-шараның жоғары деңгейде ұйымдастырылғаны үшін алғыс білдірді.
Кездесу рәсімінен кейін Әзербайжан мен Армения делегациялары екіжақты форматтағы келіссөздерді бастау үшін көрші залға өтті.