"Қазгидромет" РМК деректеріне сүйенсек, атмосфералық фронттардың өтуіне байланысты ҚР аумағының басым бөлігінде ауа райының тұрақсыз сипаты сақталады. Найзағай ойнап, аздап жаңбыр жауады деп күтіледі, күндіз батыс, солтүстік өңірлерде бұршақ жаууы мүмкін. Түнде және таңертең еліміздің солтүстігінде, шығысында тұман болады деп болжанады.
"Елміздің оңтүстік-батысында ғана жауын-шашынсыз ауа райы күтіледі. Республикамыз бойынша ортақ табиғи құбылыс - желдің екпін алуы, күндіз батыс өңірде шаңды дауыл болады", делінген синоптиктердің хабарламасында.
Сондай-ақ Ақтөбе, Қызылорда, Маңғыстау, Атырау, Түркістан, Жамбыл, Алматы және Жетісу облыстарында, Батыс Қазақстан облысының солтүстігінде, шығысында, Қостанай, Қарағанды және Абай облыстарының оңтүстігінде, Ұлытау облысының орталығында, оңтүстігінде өрт қаупі жоғары.
Түркістан облысының шөлейтті аудандарында, Қызылорда облысының шығысында, Батыс Қазақстан, Атырау, Ақтөбе облыстарының оңтүстігінде, батысында төтенше өрт қаупі күтіледі.