Полицейлерге қала тұрғыны кешкі сағат 19:00 шамасында арызданып келген. Оның айтуынша, күндізгі сағат 12:00 шамасында қызы үйінен шығып кетіп, содан хабарсыз кеткен. Баласын өз бетінше іздеуден еш нәтиже шықпаған соң, полиция қызметкерлерінен көмек сұраған.
Облыстық полиция департаментінің мәліметінше, тәртіп сақшылары дереу іздестіру шараларына кіріскен.
"Тәулік ішінде қыздың жүрген жері анықталды. Ол саябақта достарымен бірге серуендеген. Тексеру барысында жас қыз ұялы телефон алып бермегені үшін анасымен ренжісіп, үйінен шығып кеткені анықталды. Содан достарының үйінде түнегені белгілі болды", - делінген полиция мәліметінде.
