"Жылжымайтын мүлік объектісінің мекенжайын беру/жою" мемлекеттік көрсетілетін қызметті Астана, Алматы және Шымкент қалалары және аудандар мен облыстық маңызы бар қалалардың жергілікті атқарушы органдары жеке және заңды тұлғаларға көрсетеді.
Мемлекеттік көрсетілетін қызмет шеңберінде жылжымайтын мүлік объектісінің тұрақты мекенжайын беру/жою жүзеге асырылады.
Көрсетілетін қызметті алушы мемлекеттік қызметті алу үшін көрсетілетін қызметті берушіге www.egov.kz. "электрондық үкіметтің" веб-порталы арқылы өтініш жолдайды.
Мемлекеттік қызмет көрсету мерзімі:
- Астана, республикалық және облыстық маңызы бар қалалар үшін-3 жұмыс күні;
- аудандар үшін-5 жұмыс күні.
Қызмет тегін түрде жүзеге асады.
Мемлекеттік қызмет көрсету нәтижесі:
- жылжымайтын мүлік объектісіне мекенжай беру;
- жылжымайтын мүлік объектісінің мекенжайын жою;
- мемлекеттік қызмет көрсетуден бас тарту туралы дәлелді жауап.
Жылжымайтын мүлік объектісіне мекенжай беру үшін талап етілетін құжаттар мен мәліметтер тізбесі:
- нысан бойынша өтініш;
- Жеке басын куәландыратын құжаттар туралы, заңды тұлғаны мемлекеттік тіркеу (қайта тіркеу) туралы мәліметтер, жылжымайтын мүлікке құқық белгілейтін құжаттарды (жылжымайтын мүлікке тіркелген құқықтар (ауыртпалықтар) және оның техникалық сипаттамалары туралы анықтама, шарттар, жергілікті атқарушы органдардың шешімдері, сот шешімдері, мұрагерлік құқығы және т.б.), объектілерді кейіннен кәдеге жарату (ғимараттар мен құрылыстарды бұзу) жөніндегі жұмыстар кешенін жүргізуге рұқсатты көрсетілетін қызметті беруші "электрондық үкімет" шлюзі арқылы тиісті мемлекеттік ақпараттық жүйелерден алады.
Жылжымайтын мүлік объектісінің мекенжайын жою үшін:
- нысан бойынша өтініш;
- жеке басын куәландыратын құжаттар, заңды тұлғаны мемлекеттік тіркеу (қайта тіркеу) туралы мәліметтер, жылжымайтын мүлікке құқық белгілейтін құжаттар (жылжымайтын мүлікке тіркелген құқықтар (ауыртпалықтар) және оның техникалық сипаттамалары туралы анықтама, шарттар, жергілікті атқарушы органдардың шешімдері, сот шешімдері, мұрагерлік құқығы және т. б.), кейінгі кәдеге жарату жөніндегі жұмыстар кешенін жүргізуге шешім көрсетілетін қызметті беруші объектілерді (ғимараттар мен құрылыстарды бұзу) ЭҮШ арқылы тиісті мемлекеттік ақпараттық жүйелерден алады;
- ғимараттар мен құрылыстарды бұзу актісінің электрондық көшірмесі.
Өтініш берушінің электрондық цифрлық қолтаңбасы болған жағдайда мемлекеттік қызметті портал арқылы электрондық нысанда алу мүмкіндігі бар.
Бұдан басқа, порталдың "жеке кабинеті", көрсетілетін қызметті берушінің анықтамалық қызметтері, сондай-ақ "1414" бірыңғай байланыс орталығы арқылы қашықтықтан қол жеткізу режимінде Мемлекеттік қызмет көрсету тәртібі мен мәртебесі туралы ақпарат алу мүмкіндігі бар.
Бұйрық 2024 жылғы 24 қыркүйектен бастап қолданысқа енгізіледі.