Курорттың Instagram-дағы парақшасында тауға қар жауғаны хабарланған.
"Ауа райы жыл мезгілін аздап шатастырып алған секілді, дәл қазір 3 200 метр биіктікте қар жауып тұр. Жылы киініңіздер", делінген "Шымбұлақ" әкімшілігі дүйсенбіде жариялаған хабарламасында.
Тау шаңғы курорты ондағы ауа райы құбылысын тікелей эфирден көрсетіп, алматылықтарға ескерту жасады. Қазіргі уақытта Богданович мұздығында қар жауып тұрғаны байқалады.
Айта кетсек, бүгін оңтүстік астана тұрғындары мен қонақтары күннің суғын сезе алды. Таңертең сынап бағаны күрт төмендеп, мегаполисте жаңбыр жауды.
Бұған дейін синоптиктер 2024 жылдың қыркүйек айына арналған ауа райы болжамымен бөліскен болатын.