Жасырын сатып алушы әдісін қолдана отырып, "Сервелат Австрийский" қайнатылып-ысталған шұжығының екі түрі сатылып алынды, өндіруші "МПК Атяшевский" ЖШҚ (Мордовия Республикасы, Ресей), әрқайсысының салмағы 600 г, өндіру мерзімі әртүрлі: 10.05.2024 ж. және 22.06.2024 ж.
"МОТҚҚҚ" ҚБ азаматтардың қауіпсіздігі мен хабардарлығын қамтамасыз етудегі өзінің маңызды міндетін орындауды жалғастыруда. Тұтынушылар мен сатушыларға азық-түлік сапасы мен қауіпсіздік стандарттарын білуге көмектесу үшін азық-түлік өнімдерін мұқият зерттеп, нәтижелерін БАҚ арқылы бөлісуде.
Өнім таңдауы орасан зор бүгінгі нарықта таңбалама мен жарамдылық мерзіміне мән беру тұтынушылар денсаулығын қорғаудың негізгі факторына айналды. Дәл таңбалама мен қауіпсіздік стандарттарын сақтау тамақ өнімдерімен байланысты ықтималдарды болдырмауға көмектеседі.
Қазақстан Республикасы "Халық денсаулығы және денсаулық сақтау жүйесі туралы" кодексіне сәйкес, халықтың өмірі мен денсаулығына қауіп төндіретін өнім – бұл техникалық регламенттер мен гигиеналық нормативтермен белгіленген қауіпсіздік талаптарына, таңбаламасы нормативтік құқықтық актілердің талаптарына сай келмейтін, сондай-ақ, белгісіз немесе жарамдылық мерзімі өтіп кеткен өнімді адамның тұтынып, оны қолдануы кезінде зиянды заттармен байланысты ықтималдың бар екендігін көрсететін өнімнің жай-күйі болып табылады.
Таңбаламаның мәні мен жарамдылық мерзімі
Азық-түлік таңбаламасы – бұл қаптаманың бір бөлігі ғана емес, тұтынушылардың қауіпсіздігі мен ақпараттандырылуын қамтамасыз ететін маңызды элемент. Онда құрамы, жарамдылық мерзімі, ықтимал аллергендер мен сақтау шарттары көрсетілуі тиіс. Таңбаламаның жеткіліксіздігі немесе мерзімі өтіп кеткен өнімдерді сату денсаулыққа орасан зор зардабын тигізері хақ.
Өнім Түркістан облысы бойынша Қазақстан Республикасы Денсаулық сақтау министрлігі Санитарлық-эпидемиологиялық бақылау комитеті "Ұлттық сараптама орталығы" ШЖҚ РМК Шымкент қалалық филиалының аккредиттелген зертханасына сараптамаға жіберілді. Сараптама Кеден одағының техникалық регламенттерінің және Қазақстан Республикасы заңнамасының талаптарына сәйкестігін тексеруге байланысты жүргізілді (2024 жылдың 16 шілдесіндегі № РО-24-02597/2024-2326/184, РО-24-02597 № 632 және РO-24-02597/2024-2326/185 зерттеу хаттамалары).
Сурет: Жанна Биятан
Сараптама нәтижелері: не анықталды?
Сараптама төмендегідей сәйкессіздіктерді анықтады:
- Өнімді пайдалануға қатысты ұсыныстар мен шектеулердің болмауы: Екі өнімде де қолдануға қатысты шектеудің мүмкіндігі туралы ақпарат жоқ. Бұл, әсіресе, диеталық шектеуі бар тұтынушылар үшін маңызды.
- Жарамдылық мерзімі өткен: 2024 жылдың 10 мамырында шығарылған, жарамдылық мерзімі 40 күн делінген екі өнімнің бірінің сатып алу және сараптама кезінде жарамдылық мерзімі өтіп кеткен. Жарамдылық мерзімі өткен тағамдар тағамнан улануды және денсаулыққа басқа да кері зардаптарды тудыруы мүмкін.
Жарамдылық мерзімі өткен өнім: денсаулыққа тигізетін зияны
Жарамдылық мерзімі өтіп кеткен өнімдер тұтынушыларға тікелей қауіп төндіреді. Сатып алу кезінде жарамдылық мерзімі өткен "Сервелат Австрийский" шұжығы улану мен аллергиялық реакциялардың көзіне айналуы мүмкін. Заңнамаға сәйкес, сатушылар тауардың жарамдылық мерзімін қадағалауға міндетті. Қазақстан Республикасы "Тұтынушылардың құқықтарын қорғау туралы" заңының 32-бабында сатушы жарамдылық мерзімі белгіленген тауарларды тұтынушыларға оларды жарамдылық мерзімі өткенге дейін тағайындау бойынша пайдалануға болатындай есеппен беруге міндетті екендігі көрсетілген.
Сарапшылар пікірі:
"Жарамдылық мерзімі өтіп кеткен өнім – тек заңбұзушылық қана емес, сонымен қатар тұтынушы денсаулығына нақты қауіп төндіру. Өндірушілер мен сатушылар тауардың жарамдылық мерзімін қатаң бақылауға міндетті" дейді. Ол сондай-ақ: "Мерзімі өтіп кеткен тағамды тұтыну патогендік микроорганизмдердің көбеюі мен өнімнің нашарлауы салдарынан тағамнан улануға, денсаулыққа ауыр зардабын тигізетін жағдайларға ұшыратары анық. Бұл қарапайым ғана асқазанның бұзылуынан – аса қауіпті инфекцияларға дейінгі белгілерді тудыруы мүмкін!""МОТҚҚҚ" ҚБ өкілі, сарапшы Алия Алибекова
"Тұтынушылардың қауіпсіздігі – біз мән беретін басымдық. Сатушылар жағымсыз салдарға жол бермеуі үшін жарамдылық мерзіміне ғана емес, таңбаламаның дұрыстығына да назар аударғаны жөн""МОТҚҚҚ" ҚБ өкілі, сарапшы Жанна Биятан
Бұл материалды әлеуметтік жобаның орындаушысы – "Маңғыстау облыстық тұтынушылардың құқықтарын қорғау қоғамы" қоғамдық бірлестігі дайындаған.
ҚР "Тұтынушылардың құқықтарын қорғау туралы" заңына сәйкес "МОТҚҚҚ" қоғамдық ұйымы тауарлардың (жұмыстардың, көрсетілетін қызметтердің) сапасына қатысты зерттеулердің нәтижелерін, сондай-ақ жарнама болып табылмайтын және тұтынушылардың құқықтары мен заңды мүдделерін іске асыруға ықпал ететін басқа да ақпараттарды таратуға құқылы.
Осыған ұқсас сұрақтар бойынша байланыс нөмірі 87054222739 немесе Instagram-дағы OZPP.KZ парақшасына хабарласуға болады.
