Ведомствоның мәліметінше, 25 қыркүйекте Daewoo Nexia автокөлігі мен КамАЗ 54105 жүк көлігі соқтығысқан, нәтижесінде 40 жастағы Daewoo Nexia жүргізушісі мен 39 жастағы жолаушы алған жарақаттарынан оқиға орнында көз жұмды.
17, 19 және 62 жастағы тағы үш жолаушы түрлі жарақатымен ауруханаға жеткізілді.
"ҚР ҚК 345-бабының 4-бөлігі бойынша сотқа дейінгі тергеу басталды. Қазіргі уақытта жол апатының барлық мән-жайын зерттеуге бағытталған тергеу әрекеттері жүргізіліп жатыр, оның нәтижесі бойынша түпкілікті процестік шешім қабылданады", - деді полиция.