Көлік қозғалысына шектеу қою туралы шұғыл ақпарат ведомствоның ресми арнасында жарияланды.
2024 жылғы 20 қарашада сағат 13:00-де Ұлытау облысында ауа райының бұзылуына байланысты;
- Ұлытау облысы: "Қызылорда-Павлодар" автожолының 216-424 шақырымы аралығында (Қызылорда облысының шекарасынан Жезқазған қаласына дейін) көліктің барлық түрінің қозғалысына шектеу қойылды.
- Қызылорда облысы: Қызылорда облысында "Қызылорда-Павлодар" автожолының 12-216 шақырымы аралығында (Қызылорда қаласынан Ұлытау облысының шекарасына дейін) көліктің барлық түрінің қозғалысына шектеу қойылды.
"Жолды 2024 жылғы 20 қараша сағат 20:00-де ашу жоспарланған",- деп қосты ведомство.
Бұған дейін 2024 жылы желтоқсанда ел азаматтары қанша күн демалатындығы хабарланған болатын.