Түпқараған ауданы әкімі Рахат Елтізаровтың өкімімен жергілікті ауқымдағы төтенше жағдай режимі жарияланды.
Жедел байланыс үшін Астана қаласындағы Командалық орталықта және Маңғыстау облысының ТЖД-да жедел желі телефондары жұмыс істейді.
Жедел желі нөмірлері:
- 8-7172-55-96-21
- 8-7172-55-96-83
- 8-7292-31-90-91
Оған 571 өтініш түсті.
Azerbaijan Airlines авиакомпаниясының деректері бойынша6 бортта 5 экипаж мүшесін қоса алғанда 67 адам болған.
Жолаушылардың арасында: 6 Қазақстан азаматы, 42 Әзірбайжан азаматы, 3 Қырғызстан азаматы, 16 Ресей азаматы.
Сурет: Төтенше жағдайлар министрлігінің баспасөз қызметі
Оқиға салдарынан 29 адам, оның ішінде 2 бала ауруханаға жатқызылды. Оның ішінде 15 Әзірбайжан азаматы, 9 Ресей азаматы, 3 Қырғызстан азаматы, 2 адамның азаматтығы анықталып жатыр.
Қазақстан Республикасы Премьер-министрінің орынбасары Қанат Бозымбаев, Қазақстан Республикасының ТЖ министрі Шыңғыс Әрінов, Қазақстан Республикасының Көлік министрі Марат Қарабаев және Қазақстан Республикасының ТЖ вице-министрі Кеген Тұрсынбаев, сондай-ақ үкіметтік комиссия мүшелері ТЖ орнына барды. Сонымен қатар Әзірбайжан Республикасының Төтенше жағдайлар министрі генерал-полковник Кямаладдин Фаттах оглы Гейдаров ТЖ орнында.
Сурет: Төтенше жағдайлар министрлігінің баспасөз қызметі
Оқиға салдарын жоюға 492 адам, 97 бірлік техника, 2 әуе кемесі және 4 кинологиялық есеп жұмылдырылды.
"Жұмыстарға Төтенше жағдайлар, Ішкі істер, қорғаныс министрліктерінің, Ұлттық ұланның, мемлекеттік емес өртке қарсы қызметтің, Апаттар медицинасы орталығының, жедел медициналық көмек бригадасының және жергілікті атқарушы органдардың қызметкерлері тартылды. ТЖМ кинологиялық қызметі іздеу жұмыстарын жүргізуде. Қазақстан, Ресей және Әзірбайжан ТЖМ бейнеконференцбайланыс режимінде үйлестіру жұмыстарын жүргізіп, ақпарат алмасып жатыр".Төтенше жағдайлар министрлігі