Облыстық полиция департаменті баспасөз қызметінің мәліметінше, Абай көшесімен келе жатқан "Ауди С4" автомашинасының жүргізушісі жол қозғалысының қауіпсіздігін қамтамасыз етпей, реттелмейтін жаяу жүргіншілер өткелінің жүріс бөлігін өтіп бара жатқан жаяу жүргіншіні қағып кеткен.
"Жол-көлік оқиғасы салдарынан жарақат алған жаяу жүргінші ауруханаға жатқызылды. Автокөлік арнайы тұраққа қойылды", - деп хабарлады департамент.
Полиция департаменті мұндай оқиғалардың алдын алу үшін жол жүру ережелерін сақтау және көлік құралының техникалық жағдайын бақылау маңызды екенін еске салды.