Ол 2024 жылдың желтоқсанында көлік жүйесін дамытудың кешенді бағдарламасы бекітілгенін еске салды.
"Елордада автомобиль трафигінің өсуі аясында қоғамдық көлікті дамытуға, жолдардың өткізу қабілетін арттыруға, жаңа көпірлер салуға, тұрақ орындарының жұмысын жақсартуға баса назар аударылды. Күн сайын қалалық маршруттарға 1600-ден астам автобус шығады. Екі жыл ішінде елорданың қоғамдық көлік паркі 45%-ға жаңартылды. Сіздердің қолдауларыңыздың арқасында LRT жобасы мәре сызығына жетіп қалды. Жазда құрылыс жұмыстары толығымен аяқталады", – деді Астана әкімі.
Ол қыркүйек айында алғашқы пойыздар келетінін, содан кейін белсенді сынақ басталатынын атап өтті.
Бұған дейін Қазақстанда Мойынты-Қызылжар жаңа теміржол желісі салынатындығы хабарланған болатын.