Ол тарифтерге риза емес екенін атап өтті.
"Мен вице-министр ретінде емес, қарапайым адам ретінде айтамын. Маған тарифтердің қалай өсіп жатқандығы ұнамайды. Осы елдің азаматы ретінде көңілімнен шықпайды. Адамдардың тариф құнына наразы екенін білемін, алайда, вице-министр ретінде операторлардың себептерін түсінемін", – деді ол.
БАҚ өкілдері жаңа оператордың пайда болуы туралы мәлімдеме нарыққа қысым жасау әрекеті емес пе?, деп сұрады.
"Мүлдем олай емес",-деп жоққа шығарды вице-министр.
Асхат Оразбек бұған дейін Қазақстанда төртінші ұялы байланыс операторының пайда болуы мүмкін екенін мәлімдегенін атап өтті.
"Мен тек әлеуетті мүмкіндік туралы айттым, бірақ бүгінгі таңда реттеушінің төртінші ұялы байланыс операторын нарыққа шығару жоспары жоқ. Егер қазір жұмыс істеп жатқан үш оператор нарықта бәсекеге қабілетті болса, онда бізге қосымша бәсекелестікті арттырудың қажеті жоқ", – деді ол.
Бұған дейін Алматыдағы Н.Сац театры 21 миллиард теңгеге жөнделетіндігі хабарланған болатын.