Astana TV соңғы күндері көпқабатты үйлердің аулалары стихиялық полигондарға айналып бара жатқанын жазды.
Қоқыс жәшіктері асып-тасып жатыр, соның салдарынан ауланы өткір иіс алып, маңынан өту мүмкін емеске айналған. Жергілікті тұрғындар қатты тұрмыстық қалдықтарды шығару үшін екі есе көп төлей бастағанын, алайда жағдайдың тек нашарлап жатқанына наразы.
Қалалық әкімдік қоқыс мәселесін растап, алдағы күндері жағдайды реттеуге уәде берді. Белгілі болғандай, қалада қоқыс шығарумен төрт кәсіпорын айналысады. Олардың біріндегі техниканың бұзылуы осы жайтқа алып келген.
Бұған дейін Батыс Қазақстанда сиыр етінің бағасы шарықтағаны хабаланған болатын.