ТЖМ қызметкерлері балшыққа батып қалған сиырды шығарып алды

Ақтөбе облысы Құйылыс ауылының жанында сиыр Ырғыз өзенінің жағасындағы балшыққа батып қалған. Жануар өздігінен шыға алмай қалған, деп хабарлайды Zakon.kz.

Осы ауданда су тасқынына қарсы жұмыстар жүргізіп жатқан қызылордалық құтқарушылар көмекке келді. 

Құтқарушылар арқанның көмегімен сиырды балшықтан аман-есен шығарды.

Жануардың иесі ТЖМ қызметкерлеріне алғысын білдірді.