Қаржы министрлігінің хабарлауынша, кодтары жоқ (сәйкестендіру құралдары) немесе анықталмаған үлгі кодтары бар 18 603 қорап темекі табылды. Заңсыз тауардың жалпы құны - 17 млн теңге.
Осы факті бойынша материалдар Алматының сот органдарына қарау және тиісті процестік шешімді қабылдау үшін жіберілді.
"Жедел іс-шаралар барысында тәркіленген акцизделетін өнім азаматтардың өмірі мен денсаулығына елеулі қатер төндіреді. Себебі бұл тауарлар сертификаттау мен сапаны бақылаудың заңмен белгіленген процедураларынан өтпеген, сондықтан олардың құрамында денсаулыққа қауіпті заттар болуы мүмкін", - деп хабарлады Қаржы министрлігі.
Алматы бойынша мемлекеттік кірістер департаменті азаматтарды шығу тегі күмәнді темекі өнімдерін сатып алу кезінде сақ болуға шақырады.