Биыл криминалдық полиция қызметкерлері 20-дан астам адамнан құралған пәтер ұрыларының 6 тобын құрықтап, сонымен қатар 30-дан астам қалта ұрысының қылмыстық әрекетінің жолын кесті.
Осыған орай, криминалдық полиция қызметкерлері қоғамдық орындарда және көліктерде алдын алу шараларын жүргізіп жатыр.
Осы іс-шаралар аясында ұрлықтың алдын алу бойынша ұсыныстар жазылған парақшалар мен брошюралар ілінді.
"Азаматтарды жеке заттарына, әсіресе адам көп жиналатын жерлерде мұқият болуға шақырамыз. Бірлесе отырып, қаладағы қылмыс деңгейін төмендетіп, қауіпсіздікті қамтамасыз ете аламыз", - деді Алматы полиция департаменті криминалдық полиция басқармасының бастығы Талант Исаев.