Қазақстанның сейсмологиялық бақылаулар мен зерттеулердің ұлттық ғылыми орталығы сейсмикалық станциялар желісімен Астана уақытымен сағат 13:08-де Алматы қаласынан оңтүстік-батысқа қарай 544 км жерде Тәжікстан аумағында орналасқан жер сілкінісі тіркелгені туралы ақпаратты жариялады.
Қазақстандық ұлттық деректер орталығының мәліметінше, ошақ Тәжікстан мен Қырғызстан шекарасында орналасқан. Mb = 5.3 магнитудасы, K = 12 энергетикалық класы. Қазақстанда дүмпулер сезілмеді.
Бұл ретте, зілзала туралы Қырғызстан сейсмологтары да жазды.Мұнда жер сілкінісінің қарқындылығы: Бор-Дебе ауылында – 4 балл, Қара-Киндик, Нұра ауылында – шамамен 3,5 баллды құрады.
Бұған дейін Иранда күшті жер сілкінісі болып, 19 адам жарақат алғандығы хабарланған болатын.