Депутат еңбек нарығындағы қауіптерге байланысты мәселелер талқыланғанын атап өтті. Бұл жөнінде халықаралық зерттеулер де бар.
"Шын мәнінде, жасанды интеллект саласы кейбір механикалық мамандықтарды жойғанымен, жаңа мамандықтарды да тудырады. Мұнда тепе-теңдік сақталады. Жалғыз мәселе – мамандарды жаңа мамандықтарға қайта даярлау қажеттілігі. Кез-келген адам жаңа мамандықты тез меңгере бермейді", – деді Смышляева.
Оның айтуынша, бұл жағдайда қайта даярлау мәселелерімен жұмыс істеу қажет.
"Қазір жасанды интеллект келіп, барлық кәсіптерді алмастыра алады деген күтілім бар. Әріптестер мен тілшілердің жиі қоятын сұрағы: "жасанды интеллект депутаттарды алмастырады деп қорықпайсыз ба?". Шын мәнінде, шығармашылық мамандықтар, интеллектуалды күрделі салалар – қазіргі дамып жатқан модельдер үшін әлі де жетілдіруді қажет етеді. Себебі модельді орналастыру үшін сапалы, сенімді деректер қажет, олардың көлемі өте үлкен болуы тиіс, оқыту – сенімді болуы керек. Тиісінше, көптеген ойлау операциялары жасанды интеллект модельдері үшін әлі қолжетімсіз. Ал заң шығару саласында машинамен оқылатын құқық қолжетімсіз. Біздің заңдарымыз алгоритмдік емес", – деп толықтырды депутат.
Бұған дейін Қазақстанда шегірткемен күресте қандай шаралар қабылданып жатқаны жайлы жазған болатынбыз.