2025 жылғы 21 мамырда таратылған ақпаратқа сүйенсек, 8 әлеуметтік төлем/жәрдемақы мен зейнетақы түрлерінің 5 негізгі санаты бойынша алдын ала есептеу мүмкіндігі қолжетімді.
- Зейнетке шығу – негізгі зейнетақы, ынтымақты және жинақтаушы зейнетақы.
- Бала туу – жүктілік, босану, бала асырап алуға байланысты кірістен айырылу жағдайындағы әлеуметтік төлем, бала 1,5 жасқа толғанға дейінгі күтімге арналған жәрдемақы.
- Мүгедектік – еңбекке жарамдылықтан айырылу жағдайындағы әлеуметтік төлем.
- Жұмыстан айырылу – жұмыстан айырылу жағдайындағы әлеуметтік төлем.
- Жақын адамнан айырылу – нан табушыдан айырылу жағдайындағы әлеуметтік төлем.
Сондай-ақ, сервисті қалай қолдану керектігі де айтылды:
- "ЦОН" қосымшасын жүктеңіз (Google Play / App Store);
- Биометриялық сәйкестендіруден өтіңіз;
- "Барлық қызметтер" бөлімін таңдаңыз;
- "Зейнетақылар мен жәрдемақыларды есептеу сервисіне" кіріңіз;
- Қажетті деректерді енгізіңіз;
- Алдын ала шамамен есептелген төлем сомасын алыңыз.
Қорытындылай келе қазақстандықтарға маңызды ескертпе жасалды:
"Есептеу нәтижесі шамамен көрсетіледі және сізге соманы жоспарлау мүмкіндігін беру үшін жасалған".
Сондай-ақ, төлемнің нақты сомасын қызметалушы ұсынған деректер негізінде құзырлы орган шығаратындығы айтылды.