Бұл туралы "Қазгидромет" РМК мамандары таратқан ауа райы болжамында айтылған:
"Қазақстан аумағының көп бөлігі солтүстік-батыс циклонның ықпалында болады. Соның әсерінен бірге жаңбыр жауады, солтүстік пен солтүстік-батыста күндіз нөсер жаңбыр жауады. Республика бойынша найзағай ойнап, бұршақ жауып, жел күшейеді, ал оңтүстік пен оңтүстік-шығыста шаңды дауыл соғады. Түнде және таңертең солтүстік-батыс, солтүстік және оңтүстік-батыс өңірлерде тұман түседі. Шығыс Қазақстан облысының оңтүстігінде және Абай облысында аптап ыстық – +35°С болады".
Гидрометорталық сонымен қатар жоғары және төтенше өрт қаупі туралы да ескертті:
- Жоғары өрт қаупі – Маңғыстау облысының батысында, Ақтөбе облысының батысы, солтүстігі мен оңтүстігінде, Түркістан облысының оңтүстігінде, Қарағанды облысының шығысында, Павлодар облысында, Қостанай облысының оңтүстігінде, Жамбыл облысының солтүстігі мен оңтүстігінде, Атырау облысының батысы, солтүстігі және шығысында, Шығыс Қазақстан облысының оңтүстік-батысында, Алматы облысының орталығында, Абай облысының оңтүстік-шығысында, Жетісу облысының батысында;
- Төтенше өрт қаупі – Қызылорда облысында, Түркістан облысының солтүстігі, шөл және таулы өңірлерінде, Жамбыл облысының батысы мен шығысында, Ақтөбе облысының оңтүстік-шығысында, Атырау облысының оңтүстігінде, Қостанай облысының оңтүстігінде, Алматы облысының батысы мен солтүстігінде, Ақмола облысының батысында, Павлодар облысының батысы мен оңтүстігінде, Шығыс Қазақстан облысының оңтүстік-шығысында, Жетісу облысының шығысында, Абай облысының солтүстік-батысы мен оңтүстігінде, Ұлытау облысының оңтүстігі, шығысы және орталығында.