Мемлекеттің алтын-валюта қорын толықтыру жөніндегі стратегиялық міндет аясында құйма Қазақстан Ұлттық банкіне жіберіледі.
Кәсіпорын 2019 жылы жобалық қуатына шығып, жыл сайын өсіп келеді. 2024 жылы зауыт 54,6 тонна алтынды аффинаждады, бұл жобалық көлемнен екі есе артық.
Зауытта алтынды аффинаждаудың электрохимиялық әдісі қолданылады, ол тазарту деңгейін кемінде 99,99% қамтамасыз етеді. Алтын және күміс құймалары FLAMELESS TUNNEL жалынсыз пештерінде құйылады. Сондай-ақ күмісті вакуумды айдаудың ALS Acidless Separation бірегей технологиясы қолданылады.
2013 жылы ашылғаннан бері зауыт Ұлттық банкке 360 тоннадан астам алтын жөнелтті. Өнімдер LBMA Good Delivery сертификатына ие және барлық жаһандық биржаларда саудаға қабылданған. Бұл алтынның халықаралық стандарттарға сәйкестігін растау – құймалардың сынамасы, өлшемі, салмағы, сыртқы түрі, кәсіпорынның сенімділік кепілі, қызметінің ашықтығы және жақсы беделі. GoodDelivery бар бағалы металдар барлық әлемдік биржаларда саудаға шектеусіз қабылданады. Сертификаттың болуы алтынның құнын айтарлықтай арттырады.