Облыстық полиция департаменті баспасөз қызметінің мәліметінше, бұл оқиғаға қатысты қылмыстық іс қозғалды.
"Еңбек қауіпсіздігі ережелерінің бұзылуы фактісі бойынша, Кенжекөл ауылында жеке тұрғын үйдің құрылысы кезінде екі адам зардап шеккен, олардың бірі оқиға орнында көз жұмған", - деп хабарлады департамент.
ҚР Еңбек және халықты әлеуметтік қорғау министрлігі Мемлекеттік еңбек инспекциясы комитетінің Павлодар облысы бойынша департаменті оқиғаға байланысты тергеу ашты.
Еске салайық, бұған дейін Алматыда мұнаралы кран құлап, бір адам қаза тапқанын хабарлаған едік.