2025 жылдың сәуірінде орта мектептің 9-сынып оқушысы – 15 жасар кәмелетке толмаған О. өзінен төмен сыныпта оқитын Н.-ды әр түрлі жұмыс түрлеріне мәжбүрлеп, жүйелі түрде оны жәбірлеген (буллинг).
Сот отырысында заңды өкіл К. кінәні мойындап, хаттамада көрсетілген мән-жайларды растап, алдағы уақытта мұндай оқиғаға жол бермейтінін түсіндірді.
Жәбірленушінің заңды өкілі Н. балалары және өздері де өзара табысып, бір мәмілеге келгендерін айтты.
Сондай-ақ, кәмелетке толмаған О.-ның өзі сотта кінәсін мойындады.
Құқық бұзушының кінәсі әкімшілік құқық бұзушылық туралы хаттамамен, полицияның оқиға туралы баянатымен, жәбірленушінің өтінішімен, сондай-ақ кәмелетке толмағандар О және Н.-ның және олардың ата-аналарының түсіндірмелерімен расталады.
ӘҚБтК-нің 127-2-бабы 3-бөлігінің санкциясы ата-аналарына немесе оларды алмастыратын адамдарға ескерту жасау немесе 10 АЕК мөлшерінде айыппұл салуды қарастырады.
Сот айыппұл сомасын 30%-ға қысқартты.
Сот қаулысымен заңды өкіл К. ӘҚБтК-нің 127-2-бабының 3-бөлігі бойынша кінәлі деп танылып, оған 27 мың теңге көлемінде айыппұл салынды.
Қазіргі таңда әкімшілік айыппұл толық көлемде төленді. Сот актісі заңды күшіне енді.