Оның айтуынша, тиісті тапсырманы Бас прокурор берген.
"Қазірдің өзінде қылмыстық іс тіркеліп, тергеу үшін Ішкі істер министрлігіне берілді. Бірақ бап шеңберінде болғандықтан, мен бұдан артық ештеңе айта алмаймын", – деді Ғалымжан Қойгелдиев.
Бас прокурордың орынбасарының айтуынша, тергеу дәл осы деректердің таралу фактісі бойынша басталған.
2025 жылғы 16 маусымда Қазнетте Қазақстан тұрғындарының жеке деректерінен тұратын 16,3 миллион жазба ашық қолжетімділікке шығып кеткені туралы ақпарат тараған болатын. 17 маусымда Кибершабуылдарды талдау және зерттеу орталығы (ЦАРКА) бұл оқиға бойынша мемлекеттік тергеу жүргізіліп жатқанын мәлімдеді. Ал 18 маусымда Әділет вице-министрі Бекболат Молдабеков бұл оқиғаға байланысты ЖСН немесе жеке куәлікті қайта шығарудың қажеті жоқ екенін атап өтті.