"Қазгидромет" РМК деректері бойынша республика бойынша желдің күшейеді, солтүстікте және оңтүстікте – шаңды дауыл соғуы мүмкін.
"Республиканың басым бөлігінде циклонның және онымен байланысты атмосфералық фронттардың әсерінен найзағайлы жаңбыр жауады. Күндіз солтүстік-батыста, солтүстікте және оңтүстік-шығыста нөсер жауын күтіледі, бұршақ болуы ықтимал", - деді синоптиктер.
Күндіз үш өңірде қатты ыстық болады:
- Жетісу облысында – +35°С дейін;
- Абай облысында – +35…+38°С дейін;
- Шығыс Қазақстан облысының оңтүстігінде – +37°С дейін.
Сондай-ақ гидрометорталық келесі өңірлерде жоғары өрт қаупі бар екенін хабарлады:
- Алматы облысында, Абай облысының солтүстігі мен шығысында, Павлодар облысының батысы мен оңтүстігінде, Жамбыл облысының оңтүстігі мен солтүстігінде, Батыс Қазақстан облысының батысы, шығысы және оңтүстік-шығысында, Ақмола облысының оңтүстігі мен шығысында, Солтүстік Қазақстан облысының оңтүстігі, Атырау облысының солтүстігі мен оңтүстігінде, Маңғыстау облысының солтүстік-батысы, орталығы және оңтүстігінде, Шығыс Қазақстан облысының солтүстік-батысында.
Төтенше өрт қаупі келесі өңірлерде күтіледі:
- Жамбыл, Қызылорда, Түркістан, Ақтөбе, Қарағанды облыстарында, Ұлытау облысында, Жетісу облысының солтүстігі, шығысы мен орталығында, Алматы облысының солтүстігі, батысы мен орталығында, Атырау облысының шығысы мен орталығында, Маңғыстау облысының солтүстігі, шығысы және оңтүстік-шығысында, Павлодар облысының солтүстік-батысы және оңтүстік-шығысында, Қостанай облысының солтүстігі мен оңтүстігінде, Батыс Қазақстан облысында, Абай облысының батысы, солтүстік-батысы және оңтүстігінде, Шығыс Қазақстан облысының оңтүстігі мен орталығында.