Қалада ертең, 20 маусымда дауылды ескерту жасалған еді, бірақ алай-дүлей бүгін, 19 маусымда басталып кетті.
Алматы төтенше жағдайлар департаментінің мамандары қауіпсіздік шараларын сақтауға шақырып отыр.
"20 маусым күні Алматыда күндіз кей жерлерде нөсер жаңбыр жауып, найзағай ойнайды, бұршақ түседі және екпінді жел соғады. Жел оңтүстік-шығыстан солтүстік-батысқа ауысады, екпіні секундына 15-20 метрге дейін жетуі мүмкін", - делінген ТЖД баспасөз қызметінің хабарламасында.
Сондай-ақ ведомство қала қонақтары мен туристерге тауға шығудан бас тартуға ескертті.
"Абай болыңыздар! Өздеріңізді және жақындарыңызды қорғаңыздар!", - дейді Алматы төтенше жағдайлар департаменті.