Серік Жұманғариннің айтуынша, алғашқы оң өзгерістерді депутаттар 2026 жылға арналған бюджет жобасынан-ақ байқай алады.
"Біз даму бюджетін кемінде екі есеге ұлғайтамыз деп жоспарлап отырмыз, бұл ең алдымен салық реформасы есебінен жүзеге асады. Бұл реформа 4–5 трлн теңгеге дейін қосымша түсім береді деп жоспарлап отырмыз, оның бір бөлігі ҚҚС-тен (Қосылған құн салығы), басқа да енгізілген салықтардан түседі. Бүгін айтылды, екінші деңгейлі банктер мен құмар ойын бизнесіне қатысты КСН (Корпоративтік табыс салығы) шамамен 60 млрд теңге береді. Салықтық жеңілдіктердің күшін жою шамамен 1,3 трлн теңге түсім береді, ал салықтық әкімшілендіру шаралары 1 трлн теңгеден жоғары табыс әкелуі мүмкін", – деді ҰЭМ басшысы.
Оның айтуынша, осы қаражат республикалық бюджеттің Ұлттық қорға тәуелділігін азайтып, мемлекеттік қарыз деңгейін төмендетуге және нақты салаларды дамытуға бағытталады.
Бұған дейін жаңа Салық кодексі Мәжіліске қайтарылғандығы хабарланған болатын.