Ол сайғақ популяциясының шамамен 20%-ын оның саны азаймайтындай жағдайда табиғаттан шығарып алуға болатыны туралы ғылыми негіздеме алынғанын атап өтті.
"Бүгінгі таңда көктемгі санау нәтижесі бойынша ресми мәлімет 3,9 миллион бас. Оның ішінде 2,3 миллион – Орал популяциясы, 1,6 миллион – Бетпақдала популяциясы, ал кішкене популяция, шамамен 78 мың – Үстірт популяциясы. Қазіргі уақытта нақты сан 3 миллион 978 мың. Демек, біз шамамен 800 мың сайғақты шығарып алуымыз керек", – деді Ерлан Нысанбаев.
Ол сонымен қатар, осы 800 мыңның шамамен 40%-ы аталық, 40%-ы ұрғашы, ал 20%-ы құралай екенін айтты. Министрлік басқа мемлекеттік органдармен бірлесіп, сайғақ етін өңдейтін мал сою кәсіпорындарын салу бойынша инвестициялық жобаларды әзірлеуде. Қазіргі таңда алты компания жұмыс істеуге қызығушылық білдірді.
Бұған дейін "Таза Қазақстан" акциясына 2 миллион адамның қатысқандығын жазған болатынбыз.