Әкімнің айтуынша, ауа райының күрт нашарлауына және нөсер жауынға байланысты қаладағы кейбір қосалқы станцияларда техникалық ақаулар болған.
"Қазіргі уақытта тұтынушылардың бір бөлігіне электр қуаты берілді. Қала бойынша қайта қосу жұмыстары жалғасып жатыр, сондықтан кей жерлерде уақытша қайта сөндірулер болуы мүмкін – бұл қауіпсіздік үшін қажет. Түсіністікпен қарауларыңызды сұраймыз. Кейбір бағдаршамдар қайта қосылды, қалғандары тексеріліп жатыр – мамандар орындарында", – деп жазды Мейрам Қожықов бейсенбі күні Instagram-парақшасында.
Ол нөсер суларын қабылдайтын жүйелер штаттық режимде жұмыс істеп тұрғанын, торлар мен люктер ашық екенін және судың кетіп жатқанын айтты.
"Жиналған су бірден кете алмайды, біраз уақыт қажет екенін түсіну керек. Су сору жұмыстары да жалғасып жатыр. Егер аулаларыңызда, жекеменшік үйлерде немесе жертөлелерде су басу жағдайы болса, бұл туралы пікірде жазыңыздар – барлық ақпарат тиісті қызметтерге беріледі. Жағдай бақылауда", - деп түйіндеді Мейрам Қожықов.