Таратылған ресми хабарламада ҰҚМК Қырғызстанда шетелдік студенттердің оқуына байланысты бұзушылықтар анықтағаны айтылған.
"Ресми түрде оқу орнына қабылданған бірнеше шетелдік студенттердің шын мәнінде Қырғыз Республикасында болмағаны және оқу процесіне қатыспағаны анықталды – олар ел аумағынан тыс жерде жүрген. Аталған факт бойынша Қырғыз Республикасының Қылмыстық кодексінің 346-бабы, 1-бөлігі ("Қызметтік жалғандық") бойынша қылмыстық іс қозғалды", – делінген ҰҚМК мәліметінде.
Тергеу іс-шаралары аясында жүргізілген комиссиялық тексеру жоғарыда аталған бұзушылықтарды растаған.
Тексеру нәтижесінде 59 шетелдік студентті университеттен шығару туралы шешім қабылданды, олардың ішінде:
- 30 – Өзбекстан Республикасының азаматы,
- 20 – Қазақстан Республикасының азаматы,
- 9 – Ресей Федерациясының азаматы.
Қазіргі уақытта ҚМУ-дің профессорлық-оқытушылық құрамы мен әкімшілік қызметкерлері арасынан аталған заңбұзушылықтарға қатысы бар адамдарды анықтау бойынша тергеу және жедел-іздестіру шаралары жалғасуда.