Бұл туралы 2025 жылғы 2 шілдеде Астана қалалық полиция департаменті мәлімдеді.
"Анықталғандай, көлікті басқарған – 40 жастағы Астана қаласының тұрғыны, ол көлікке иелік ететін компанияда жұмыс істейді. Ер адам жол қозғалысы ережесін жүйелі түрде бұзып, ондаған қаулыны елемеген". Астана қаласы ПД баспасөз қызметі
Көлік арнайы коммуналдық тұраққа қойылды.
"Аталған факті бойынша атқарушылық іс жүргізу басталды – жүргізушінің ісімен жеке сот орындаушылары айналысуда. Оның үстінен заңда көзделген шаралар қабылданатын болады, оның ішінде қарызды өндіру де бар". Астана қаласы ПД баспасөз қызметі
Астана қаласының полициясы жол қауіпсіздігін және қоғамдық тәртіпті қамтамасыз ету мақсатында ереже бұзушылар заңнамаға сәйкес жауапкершілікке тартылатынын еске салды.
"Әкімшілік айыппұлдарды төлеуден жалтару жауапкершіліктен босатпайды. Жүргізушілерге айыппұлдарды уақытылы төлеу және жол қозғалысы ережелерін сақтау қатаң түрде ұсынылады", – деп түйіндеді Астана қаласы ПД баспасөз қызметі.
Бұған дейін Павлодар облысында мас жүргізушінің жауапқа тартылғанын жазғанбыз.