Ведомство мәліметінше, 23 жастағы жігіт мессенджер арқылы 5000 рубльдік 300 жалған банкнот сатып алып, оларды Ресейдің түрлі аймағында өткізе бастаған. Ол арзан тауарларды сатып алу арқылы жалған ақшамен есептесіп, қайтарымға шынайы ақша алып отырған.
Тергеу барысында оның 28 купюраны өткізіп үлгергені анықталды: екеуін — Волгоград облысында, он бірін — Астрахан облысында, тағы он бесін — Мәскеуде.
Күдікті астанаға Волгоградтан келген полиция қызметкерлерінің іссапары кезінде ұсталды. Жеке тінту кезінде одан жалпы сомасы 1,36 миллион рубль болатын 272 жалған купюра тәркіленді.
Аталған факт бойынша Ресей Федерациясы Қылмыстық кодексінің 186-бабы 1-бөлігі ("Жалған ақшаны жасау, сақтау, тасымалдау немесе өткізу") бойынша қылмыстық іс қозғалды. Күдікті қамауға алынды.
Қазір жалған купюралардың шыққан көзін анықтауға бағытталған тергеу амалдары жүргізіліп жатыр.