Бұл жағдай Павлодардағы бау-бақша қоғамдарының бірінде орын алған. Шұғыл шақыртуды қабылдаған "103" қызметі дереу оқиға орнына жеткен.
Олардың айтуынша, 65 жастағы ер адамда жүрек ырғағының бұзылуы мен қарыншалық тахикардия анықталған.
Медицина қызметкерлері уақыт жоғалтпай реанимациялық шараларды қолға алып, нәтижесінде ер адамды аман алып қалған. Кейін ол Павлодар қалалық №3 ауруханаға жеткізілді.
Жыл басынан бері бұл – Павлодар облысында жедел жәрдем қызметкерлері жүргізген 13-сәтті реанимация.