Алайда, мамандардың мәліметінше, елдің батысында, солтүстік-батысында және солтүстігінде атмосфералық фронттардың өтуіне байланысты найзағайлы жаңбыр жауады, бұршақ түсуі мүмкін.
Сондай-ақ республика бойынша жел күшейеді. Оңтүстік-батыста және оңтүстікте шаңды дауыл соғады, батыста және солтүстікте түнгі және таңертеңгі уақытта тұман түседі.
Күндіз Жетісу облысында қатты аптап ыстық сақталады.
Ауа температурасы:
- Ақмола облысында, Қарағанды облысының батысында – +35°С;
- Алматы облысында – +35…+36°С;
- Ұлытау облысының батысында – +35…+38°С;
- Маңғыстау облысында – +38°С;
- Қызылорда облысында – +40°С;
- Түркістан облысының шөлді аймақтарында – +41°С.
Алматы, Ақтөбе, Ұлытау, Жетісу, Абай облыстарында, Ақмола облысының батысы мен оңтүстігінде, Батыс Қазақстан облысының оңтүстігінде, Қарағанды облысының батысы мен шығысында, Атырау облысының оңтүстігі мен орталығында, Шығыс Қазақстан облысының солтүстігі, оңтүстігі мен орталығында, Қостанай облысының батысында, Маңғыстау облысында жоғары өрт қаупі сақталады.
Түркістан, Қызылорда, Маңғыстау, Жамбыл облыстарында, Батыс Қазақстан облысының батысында, Алматы облысының батысы мен солтүстігінде, Жетісу облысының оңтүстігі мен шығысында, Атырау облысының шығысында, Қостанай, Қарағанды, Ақтөбе облыстарының оңтүстігінде төтенше өрт қаупі бар.