Мемлекеттік парк мамандары бұл жануарлардың табиғатқа қандай пайдасы бар екенін, сондай-ақ, олардың ерекшеліктері туралы қысқаша мәлімет берді.
- Жабайы шошқа (Sus scrofa) – топырақты қопарып, тұқымдар мен тамырларды тарату арқылы өсімдіктер қауымдастығының жаңаруына ықпал етеді.
- Елік (Capreolus capreolus) – бұта мен шөптесін өсімдіктермен қоректеніп, тоғай мен ашық алқаптар арасындағы экологиялық тепе-теңдікті қамтамасыз етеді.
- Борсық (Meles meles) – ін қазу әрекеті арқылы топырақ құрылымын өзгертеді, алқаптағы ұсақ жәндіктердің санын реттеуде маңызды рөл атқарады.
- Шиебөрі (Canis aureus) – жыртқыш жануар ретінде ұсақ сүтқоректілердің, құстар мен жәндіктердің санын реттеп, экожүйеде табиғи реттеуші қызметін атқарады.
- Қоян (Lepus europaeus) – шөпқоректі жануар ретінде өсімдіктердің таралуына және қоректік тізбектің сақталуына әсер етеді.
"Бұл жануарлар тоғай биоценозының негізгі құрамдас бөлігі болып табылады және экожүйедегі табиғи тепе-теңдікті сақтауда ерекше маңызға ие",- деп мәлімдеді ведомство.
Бұған дейін қызыл кітапқа енген қар барысы мен қоңыр аю фототұзаққа түсіп қалғанын жазғанбыз.